जेठ २९ काठमाडौँ।तामाङ समुदायको साझा संस्था नेपाल राष्ट्रिय तामाङ घेदुङको नेतृत्वमा निर्माणाधीन एकमात्र ऐतिहासिक तामाङ संस्कृतिक भवनको आज तेस्रो ढलान गरिएको छ।
बिगत लामो समय देखि निर्माण कार्य थालेका तामङ भवनलाई ३ न. प्रदेश सांसद हिमाली गोलेको पहलमा २० लाख रुपैया बजेट विनियोजित गरेपछि पछिल्लो चरण गति लिन थालेको राष्ट्रिय तामाङ घेदुङका महासचिव प्रबिण बलले सुनापति न्युजलाई जानकारी दिनुभयो ।
राष्ट्रिय तामाङ घेदुङका अध्यक्ष वीर बहादुर योन्जनले भवन निर्माणमा समुदाय स्तरमा सहयोगको धेरै हारगुहार गरे सबैको थोरै भए पनि लगानी भएमा समुदायको भवन प्रती माया जागिन्छकी भन्ने हेतुले तर समुदायबाट भनेको जस्तो सहयोग नआएको बताउदै सहयोग गर्नु हुने सम्पुर्ण सहयोगी मनका धनी महानुभाव लगाएत सरकारका तिनै वटा निकायलाई धन्यवाद व्यक्त गर्दै धन भएर के गर्नु मन नभएसि धनका मालिक तामाङहरु संग आशा नगर्ने तामाङ जातिको इतिहास बचाउन आफू जुनसुकै परिस्थितिको सामना गर्ने बताउनु भयो ।
त्यसैगरी महासचिव बलले तामाङ जातीबाट धेरै सांसद र मन्त्री भए तर उहाँहरुले सधै आश्वासन दिने कहिकतै बाट एक रुपैया पनि आर्थिक छुट्याउने सकिन सांसदको छुट्टै सांसद कोषबाट छुट्याउन सकिन्थ्यो त्यो गर्नु भएन त्यसैल हामी सरकारको स्थानीय, प्रदेश र संघीय सरकार सम्म पुग्ने क्रममा ३ न. प्रदेश सांसद हिमाली गोलेले निर्माणाधीन भवनलाई २० लाख रुपैया बजेट विनियोजित भएपछि तेस्रो ढलान गरेको महासचिव प्रबिण बल्ले बताउनुभयो, उहाँको योगदानको राष्ट्रिय तामाङ घेदुङ तथा सिङ्गो तामाङ समुदायले उच्च मुल्यांकन गर्ने बताउदै बजेट पार्न सफल भएकोमा सांसद हिमाली गोले अनि साथमा नेपाल राष्ट्रिय तामाङ घेदुङका सल्लाहकार छिरिङ ध्वर्जे पाख्रीन र सुमन लामालाई बिशेष धन्यवाद ब्यक्त गर्नुभयो ।
देश तथा बिदेशबाट सहयोग गर्नु हुने सम्पुर्ण सहयोगी संघ सस्था र दाजुभाइ तथा दिदिबहिनीहरु साथै राष्ट्रिय तामाङ घेदुङको हरेक गतिविधिहरुलाई बिस्वभर प्रसारणको माध्यम बाट पुर्याई सहयोग पुर्याउनु हुने संचार कर्मीहरुलाई समेत धन्यवाद व्यक्त गर्दै सम्पुर्ण तामाङ समुदायलाई आफ्नो इतिहास बचाउन एक भएर लाग्न अनुरोध समेत गर्नु भयो ।
