पार्टीले खस आर्य महिलातर्फ बलावती शर्मा र पुरुषतर्फ प्रमेश हमालको नाम पठाएको छ । खस आर्यकै अपाङ्गता भएका पुरुषतर्फ प्रेम बयकलाई सिफारिस गरिएको छ ।

त्यस्तै आदिवासी जनजाति महिलातर्फ भीमकुमारी बुढा र पुरुषतर्फ परशुराम तामाङको नाम पठाइएको छ । दलित महिलातर्फ पार्वती विक र पुरुषतर्फ गणेश विश्वकर्मालाई समावेश गरिएको छ ।

यस्तै मधेसी समुदायतर्फ जोगकुमार बर्बरिया यादव तथा थारु समुदायतर्फ निराशा चौधरीको नाम पनि आयोगमा पेस गरिएको पार्टीले जनाएको छ ।

समानुपातिकतर्फको ११० सिटमा नेकपाले ९ सिटमा जित हासिल गरेको थियो । यस अघि निर्वाचनमा आयोगमा पेस गरेको बन्द सूची भित्र हरेक कलस्टरको पहिलो नम्बरमा रहेका महिला र पुरुषको नाम पठाएको हो ।